平心而論，我唔覺得今日城寨嘅pepe/連豬頭有幾「錯」，佢哋做出嚟唔係為咗玩，每隻頭背後都代表緊一個訊息，佢哋亦成功吸引到外國媒體嘅注意同佢地做訪問，將佢哋想表達嘅信息傳到去外國，點都叫做文宣/公關嘅一部分。事實上，運動都半年，有時真係需要一點可愛、一點幽默，先可以令沉重嘅心情繼續行落去，個人認為呢隊pepe/連豬頭又未至於將運動兒戲化。（當年佔中嘅打牌打邊爐，就係壞例子中嘅表表者喇🤦🏻♀️）
相反，first aid 好玩唔玩玩呢啲，就真係抵鬧，完全侮辱緊個first aid牌。都唔好話咁樣令到手足空擔心一場，更加係俾對家「證據」、「大條道理」咁話有不專業嘅「假first aid」。要玩，唔該放低件first aid背心頭盔先玩。
Search